Səudiyyə Ərəbistanı Özbəkistan iqtisadiyyatına 2,5 milyard dollar sərmayə yatırır


Eastnews.org-un verdiyi xəbərə görə, Səudiyyə Ərəbistanının investisiya naziri Xalid Əl-Falihin rəhbərliyi ilə nümayəndə heyəti Özbəkistanda səfərdədir.

 

Məlumata əsasən, Özbəkistanın Baş nazirinin müavini, investisiya və ticarət naziri Sardor Umurzakovla Səudiyyə nümayəndə heyətinin görüşündə bildirilib ki, ötən il Özbəkistanın İnvestisiya və Ticarət Nazirliyi ilə Səudiyyə Ərəbistanının “ACWA Power” şirkəti arasında Sırdərya vilayətində gücü 1500 meqavat olan istilik elektrik stansiyasının maliyyələşdirilməsi, layihələşdirilməsi, tikintisi və 25 il istismarı ilə bağlı 1,2 milyard dollar dəyərində birbaşa sərmayə cəlb olunması ilə bağlı sənəd imzalanıb və burada 1000 iş yeri yaradılacaq.

 

Görüşdə “ACWA Power” şirkətinin Nəvai və Buxara vilayətlərində ümumi gücü 1000 meqavat olan külək stansiyalarının tikintisinə 1,3 milyard dollar həcmində sərmayə qoyması ilə bağlı da saziş imzalanıb.

 

Danışıqlar başa çatandan sonra Sırdərya vilayətində istilik elektrik stansiyasının təməlqoyma mərasimi keçirilib.




Mənbə: Azərtac Oxunub: 134 dəfə; Tarix: 2021-01-25 21:24
Yaxın Şərq və Dünya xəbərlərini Eastnews.org-un facebook səhifəsindən izləyə bilərsiniz.

Sosial səhifələrdə paylaş


Xəbərlərdən istifadə zamanı EastNews.org saytına istinad vacibdir.













Xəbər lenti

Çox oxunanlar

Sorğular

Facebookdan bizi izləyin!

Twitterdən bizi izləyin!

Instagramdan bizi izləyin!