Livana Qətər, İraq və İordaniyadan yardım göndərildi


Eastnews.org-un verdiyi xəbərə görə, dünən Livanın paytaxtı Beyrutda 100 nəfərin öldüyü və minlərlə insanın yaralandığı partlayışdan sonra Qətər, İraq və İordaniya Livana 4 mobil xəstəxana və tibbi yardım göndərib.

 

Bu barədə Livan rəsmi agentliyi NNA hesabat yayıb.

 

Hesabatda Livanın Qətərdən hər biri 500 çarpayılıq iki mobil xəstəxana, İraqdan bir mobil xəstəxana, böhran zamanı istifadə ediləcək müəyyən qədər neft və Fransadan göndərilən yardımları qarşılamağa hazırlaşdığı bildirilib.

 

Fransa tərəfindən göndərilən yardımın məzmunu haqqında heç bir məlumat verilməyib.

 

İordaniya Kral Məhkəməsinin verdiyi açıqlamada Livana tibbi personalı olan hərbi mobil xəstəxananın göndərildiyi bildirilib.

 

Digər tərəfdən İraq Baş Naziri Mustafa əl-Kazimi verdiyi yazılı açıqlamasında ölkəsinin Livana təcili tibbi yardım yüklü xüsusi təyyarə göndərdiyini söyləyib.

 

Livanın keçmiş Baş Naziri Saad Hariri də sosial media hesabında verdiyi açıqlamada ABŞ Dövlət katibi Mayk Pompeo ilə telefon danışığı etdiyini və Pompeonun təcili yardım göndərəcəyini vəd etdiyini söyləyib.




Mənbə: AA Oxunub: 146 dəfə; Tarix: 2020-08-05 13:30
Yaxın Şərq və Dünya xəbərlərini Eastnews.org-un facebook səhifəsindən izləyə bilərsiniz.

Sosial səhifələrdə paylaş


Xəbərlərdən istifadə zamanı EastNews.org saytına istinad vacibdir.













Xəbər lenti

Çox oxunanlar

Sorğular

Facebookdan bizi izləyin!

Twitterdən bizi izləyin!

Instagramdan bizi izləyin!