Olmazmı 8 gün Kərbəladan danışanda 2 gün də Yaxın Şərqdən danışaq


Bildiyimiz kimi hicri təqvimlə 61-ci ilin Məhərrəm ayında İraqın paytaxtı Bağdaddan təxminən 100 km cənubda Neynəva vilayətində yerləşən Kərbəla düzündə qanın qılınca qalib gəldiyi tarixi hadisə baş verib. Baş verən bu qanlı döyüş sonda qiyamətə qədər davam edən böyük bir ruhiyyə və eşq məktəbi ilə nəticələnib. Və o gündən ta bu günə kimi hər il dünyanın dörd bir tərəfində imam Hüseynə (ə) və onun əshabına matəm mərasimləri qurulur Kərbəlada baş verən hadisələr yad olunur. Matəm mərasimləri deyəndə ilk 10 gün ardıcıl və daha sonra 40 gün içində məscidlərdə və evlərdə olan məclislər, konfranslar, tədbirləri nəzərdə tuturam. Təbii ki bu məclislərdə moizələr, zikri müsibətlər, mərsiyələr və rozələr oxunur. Amma...!


Amma sözümün canı bunların heç biri deyil.

Bu məktəbin əsas hədəflərindən biri zülmün qarşısında əyilməməkdirsə, gərək bu gün zülm qarşısında dayananlar da bu mərasimlərdə yad olunsun. İslam dünyasında zülmə məruz qalan xalqlara nəzər salsaq görərik 1400 il əvvəl baş verən vaqiə detallı şəkildə bu gün də davam edir. O gün xanım Rüqəyya Şamın xarabalığında necə ac, susuz idi və sonra yemək istəyəndə atasının qanlı başını gətirib 3 yaşlı xanıma zülm etmişdilər, eləcə də bu gün Suriyada uşaqlar günlərlə ac qalır və ac olaraq da dünyadan köçürlər. Necə Kərbəlada suyun qabağını kəsib, isti səhrada peyğəmbər ailəsini susuz qoymuşdular, eləcə də bu gün Yezid xislətli rejimlər Yəməndə pik həddə çatan su problemi yaradıblar. Bütün bunların günahkarı Suriyaya terror toxumu səpən və terrorçuları yemləyən qərb imperializmi və onların müttəfiqi olan "müsəlman" koalisiyalarıdır.

"İmam Hüseyni namaz qılanlar şəhid elədi". Bu sözü 5 günün namaz qılanından tutmuş ələm mərceyi təqlidinə kimi hamı eşidib. Və hadisənin bu cür olduğunu tarix də sübut edib. Bəli İmam Hüseyni müsəlmanlar öldürdü. Amma hansı müsəlmanlar?!

O müsəlmanlar ki, bu gün Yəməni bombardam edib, minlərlə uşağın qanına əlini batırıb. O həddə qədər ki, adı uşaq qatili kimi BMT-nin qara siyahısına daxil olub.

O müsəlman ki, şəhərin mərkəzi meydanında hamının gözü qarşısında şiə (ələvi) olduğuna görə insanların başını kəsir.

O müsəlman ki, Suriyada əhalini canlı qalxan kimi istifadə edir, dinc, silahsız insanların evinə basqın edir. Onları başqa ərazilərə köçməyə məcbur edir.

O müsəlman ki, bayrağına "Allah, Muhəmməd" yazıb təkbir sədası ilə baş kəsir və özlərinə beyət etməyənləri şəriət məhkəməsi olmadan öldürür.

O müsəlman ki, özünə tabe olmayan və haqqı deyənləri təqib edir, vətəndaşlıqdan çıxarır.

O müsəlman ki, Fələstində din qardaşının ölümünə tamaşa edir və heç bir reaksiya vermir. Əksinə onlarla işbirliyinə gedir. Müsəlman qətliamında iştirak edənlərlə ticari və siyasi müttəfiqlik edir. Bax bu cür müsəlmanlar İmamı və yaxınlarını terror etdi.

Bütün bu məsələlərin fonunda bəs bizə nə düşür? Olmazmı bu matəm məclislərində bu gün dünyada baş verən zülmlərdən danışıb, məzlumların da səsinə səs verək? Axı bu zülmlərin ayrıca günü yoxdu. Olmazmı 8 gün Kərbəladan danışanda 2 gün də Yəməndən, Bəhreyndən, Nigeriyadan danışaq? Nə vaxta kimi bəzi yalançı rozələrə göz yumub, başa düşmədiyimiz mərsiyələrə sinə ritmi tutacağıq?! Bəlkə bunların yanında bir də belə yeni addımlar ataq?

Deyə bilərsiz bu barədə mərsiyyə ədəbiyyatı yoxdur. İnanın istəsək (cəhd edib təşəbbüs göstərsəz) bu günə aid mərsiyələr və rozələr hazırlamaq olar. Şairlər sizin müraciətinizin intizarındadır. Həm də bu, hazırda məclislərdə oxunan yalançı lalaylardan daha lakonik və effektiv olar.

Deyəcəksiz buna aid nə zikri müsibət, nə də rozə var. Buna heç bir cavab verməyəcəm. Sadəcə yazının sonunda bir neçə video əlavə edəcəm ki, onlara baxıb özünüz vəziyyəti lazımınca dəyərləndirərsiz.

Yenə deyə bilərsiz yaxşı, bəs minbərdən nə danışaq axı? Bunun da cavabı çox sadədir. Xəbərlər! Gündəmi izləmək və islam coğrafiyasından gündəlik agahlıq camaata çatdırılmalıdır. İnsanlar müsəlman qardaşının Yəməndə, Fələstində hansı vəziyyətdə, hansı çətinliklərdə yaşamasını bu məclislərdə də eşitməlidir. İstək və təşəbbüs göstərmək lazımdır.

Bəlkə də bu yazı həddimə görə olmadı, tutum sərhədlərimə görə deyil. Amma məni üzrlü bilin sözümün canı var idi. Onu deməliydim.


İsrailin hava hücumlarında anasını itirən uşağın fəryadı 


Qardaşı üçün müxbirdən yemək istəyən aç uşaq 


Yəmənli qızın Səudiyyəyə mesajı: Cəhənnəmin qapılarını üzünüzə açacağıq 



Müəllif: Elçin Həsənli




Mənbə: Eastnews.org Oxunub: 1612 dəfə; Tarix: 2016-10-09 22:49:09
Sosial səhifələrdə paylaş


Xəbərlərdən istifadə zamanı EastNews.org saytına istinad vacibdir.















Xəbər lenti

Çox oxunanlar

Sorğular

Türkiyənin Suriya ərazisinə hərbi müdaxiləsinin səbəbləri:





Facebookdan bizi izləyin!

Twitterdən bizi izləyin!

Valyuta konvertoru

Valyuta.com


Hava haqqında